दि.५ नोव्हेंबरपासून स्विमिंग पुल्स फक्त राज्यस्तरीय, राष्ट्रीय आणि आंतरराष्ट्रीय खेळाडूला सरावाकरीता सुरु करण्याची मुभा देण्यात येत आहे. तसेच योग वर्ग / संस्था, सर्व इनडोअर खेळ जसे की, बॅडमिंटन, टेनिस, स्क्वॅश, इनडोअर शुटींग रेन्जेंस इत्यादी खेळास सामाजिक अंतर आणि मोठ्या प्रमाणात स्वच्छता राखून मुभा देण्यात येत आहे. सिनेमा हॉल्स / थिएटर / मल्टीप्लेक्स/ ड्रामा थिएटर्स एकूण क्षमतेच्या ५० टक्के बैठक व्यवस्थेच्या अधीन राहून परवानगी देण्यात आली आहे. परंतु सिनेमा हॉल्स, थिएटर,मल्टीप्लेक्स,ड्रामा थिएटर्स मध्ये कोणत्याही खाण्यायोग्य वस्तुंना विकण्याची किंवा घेवून जाण्याची परवानगी राहणार नाही.
सदर आदेश यवतमाळ जिल्ह्यातील प्रतिबंधित क्षेत्रे वगळता उर्वरित ग्रामीण व शहरी क्षेत्रास आदेशाचे दिनांकापासून लागू राहतील. सदरील आदेशाचे पालन न करणाऱ्या कोणत्याही व्यक्ती, संस्था अथवा समूह हे साथरोग प्रतिबंधक कायदा १८९७ व आपत्ती व्यवस्थापन अधिनियम २००५ आणि भारतीय दंड संहिता १८६० चे कलम १८८ व इतर संबंधीत कायदे व नियम यांचे अंतर्गत कारवाई करण्यात येईल. तसेच यापूर्वी निर्गमित केलेल्या आदेशानुसार दंडात्मक कार्यवाही सुध्दा करण्यात येईल, असे जिल्हादंडाधिकाऱ्यांनी म्हटले आहे.
कोणत्याही टिप्पण्‍या नाहीत:
टिप्पणी पोस्ट करा
Thanks For Your Valuable Response